Sodonmedeelel : Хүн амь, хүчин, хулгай гэх мэт хийсэн бөө нарын тухай

Өөрийгөө бөө хэмээн өргөмжилсөн Д.Болд-Эрдэнэ гэгч бөө болсноосоо хойш дөрвөн сарын дараа шавьтай болж эхэлжээ. 2011 оны наймдугаар сарын 17-нд Төв аймгийн Сэргэлэн сумын тавдугаар багийн нутаг Далан шар (Авдрантын уул) гэдэг газарт Наранзул гэх эмэгтэйг бөөгийн чанар авахуулна хэмээн өргөл барьц мөнгө авч, зан үйлийг нь хийхээр болж халуун чулуу, уураар түлж, амь насанд нь хүрсэн байна. Д.Болд-Эрдэнэ талийгаач Наранзулыг  гурван чулуу халааж дээрээс нь хоёр давхар хөнжил нөмрүүлж хэвтүүлснээр амиа алдсан аж. Талийгаач амьсгалын замын бүтэлттэй, биеийн ихэнх хэсэг түлэгдэж, амь насаа алдсан гэсэн Шүүх эмнэлгийн шинжээчийн дүгнэлт гарсан байна.Бусдын амь насанд хүрсэн Д.Болд-Эрдэнэд Эрүүгийн хуулийн тусгай ангийн 94.1-т зааснаар бусдын амийг болгоомжгүй бүрэлгэсэн гэх үндэслэлээр эрүүгийн хэрэг үүсгэсэн байна. Түүний гэм буруутай нь шүүхээр тогтоогдвол таван жил хүртэлх хугацаагаар хорих ял шийтгэх байв. Гэтэл сум дундын нэгдүгээр шүүхийн энэ оны гуравдугаар сард шийдвэрлэж, Б.Болд-Эрдэнэд гурван жил хорих ял оноосон юм. Давж заалдах болон хяналтын шатны шүүхээс уг ялыг нь хэвээр баталсан билээ.

Саяхан гэр бүлээрээ явсан нэгэн бариач гэх хүн хатиг гарсан байсан иргэн Т гэгчийг эмчилж байна хэмээн барьж базан, цусанд нь бохир оруулснаар амь насыг нь бүрэлгэжээ. Тэд учрыг мэдээд ор сураггүй алга болсон байна. 

Үүнээс гадна Ховд аймгийн Мөст сумын нутаг Улаан толгой багт бөө гэх Ч.Цагаанцоож хохирог­чийг ширгэлж байна гээд биед нь хүнд гэмтэл учруулжээ. Хохирогч гэмтлээ даахгүй нас барсан аж. Түүнийг санамсаргүйгээр хүний аминд хүрсэн гэх үндэслэлээр Эрүүгийн хуулийн 94 дүгээр зүй­лийн 94.1-д зааснаар шалгаж бай­гаад Өршөөл үзүүлэх тухай хуульд хамруулжээ.

Бөө Р.Бадамханд, Б.Цогтсайхан нар Дархан-Уул аймгийн Хонгор сумын нутагт өнгөр­сөн оны долдугаар сарын 29-ний өдөр зарим хүний онгод, тэнгэ­рийг дуудаж "гүй" гэж тойргоор гүйлгэжээ. Бөө болох гэсэн хүмүүс гүйцгээж байтал нэг нь бахардаж амиа алджээ


Бөө нар залилан хийхдээ ихэвч­лэн дээд тэнгэртэйгээ хол­богдон засал хийж, өвчин зовлонг нь анагаана, баян чинээлэг болго­но гэдэг аж. Тухайлбал, өөрийгөө бөө гэх О.Даваацэрэн иргэн Э-ийн тархины саажилттай хүүхдийг эмчилж өгнө гэж гурван сая төгрө­гийг нь өнгөрсөн оны дөрөвдүгээр сард залилан авчээ. Гэтэл өвчтэй хүүхдийг эдгээгээгүйгээр барахгүй эмчилгээ хийлгээгүйгээс болж хүүх­дийн бие улам муудсан аж. Тиймээс хохирогчид цагдаагийн байгуулла­гад гомдол гаргажээ. Бөө О.Даваа­цэрэнд Эрүүгийн хуулийн 148 дугаар зүйлийн 148.1 дэх хэсэгт зааснаар эрүүгийн хэрэг үүсгэн шалгасныг Орхон аймгийн проку­ро­рын газраас хэрэгсэхгүй бол­гожээ. 

Мөн зайран Г.Даринчулуун өнгөрсөн оны тавдугаар сард Т.Ундармааг бөө болгож өгнө гэж 2.5 сая төгрөгийг нь залилан авсан хэргийг Чингэлтэй дүүргийн цаг­даагийн хэлтэст шалгажээ. Түүнд холбогдох залилангийн хэргийг хохи­рогч зайрантай эвлэрснээр хэрэг­сэхгүй болгосон байна. 


Б.Падсүрэн гэгч өнгөрсөн оны арванхоёрдугаар сард Баянгол, Чингэлтэй дүүргийн нэр бүхий таван иргэнийг эмчилнэ, бузрыг нь арилгана, бигнэнэ гэх мэтээр их хэмжээний алт, мөнгөн эдлэл, 51 сая төгрөгийг залилан авчээ. Түү­гээр барахгүй "АМАА" хувийн эмнэ­лэгт бөөлж байхдаа 100 ам.доллар, нэг сая гаруй төгрөг хулгайлжээ. Түүнийг залилан, хулгайн хэргээр яллагдагчаар шалгаж байгаа аж. 

Мөн Орхон аймгийн иргэн Ч.Балжинням нь гар утаснаасаа "Чи хүнд тусал. Буян үйлд. Тэгэхгүй бол ээжийн чинь өвчин улам хүн­дэрнэ" гэх мэт мессэж бичиж Г.Баа­сандорж, Ч.Нарантунгалаг нараас 24 сая гаруй төгрөг залилжээ. Түүнд шүүхээс зургаан жил хорих ял оноосон байна. Хөвсгөл аймгийн иргэн Н.Баатар гэгч нь өөрийгөө бөө гэж итгүүлэн хохирогч Сүх­батад "Хэт хутга чинь амьдралд чинь гай болно" гэж өөртөө авчээ. Үүнийхээ хариуд хоёр жил хоригдохоор болсон аж. 

Удган болгох  шавиа хүчиндэв
Бөө гэх Ю.Эрдэнэ-Очир Баян­хонгор аймгийн Баянхонгор сумын иргэн Б-г шавиа болгохоор тохи­ролцжээ. Улмаар өнгөрсөн оны дөрөвдүгээр сарын 4-ний 21.00 цагийн орчимд шавийнхаа удган болох ёслолыг тэмдэглэж архи өгчээ. Шавь нь өөрийгөө хянах чадваргүй болтлоо согтсон үед Ю.Эрдэнэ-Очир хүчинджээ. Түү­нийг бусдыг биеэ хамгаалж чадах­гүй байдлыг нь далимдуулан хурь­цал үйлдсэн гэм буруутайд тооцож, Эрүүгийн хуулийн 126 дугаар зүйлийн 126.1 дэх хэсэгт зааснаар 1.5 жил тэнсэн харгалзах ял оноожээ. 

Өргөл өгсөнгүй гэж машиныг нь шатаав
Сэлэнгэ аймгийн Баруунхараа сумын иргэн Ж.Баярсайхан жи­лийнхээ заслыг хийлгэхээр Э.Мөнх­бат гэгч бөөд үзүүлжээ. Гэтэл Э.Мөнхбат "Танайх сайн засал хийлгэхгүй бол маш их хохирол амсана. Бүр амь насанд чинь аюултай" гэж засал хийх их хэмжээний өргөл нэхжээ. Тухайн үед Ж.Баярсайханд бөөгийн нэх­сэн мөнгө байгаагүй учраас засал хийлгээгүй аж. Э.Мөнхбат үүнд хорсож улмаар хэлсэн үгэндээ итгүүлэхийн тулд  2011 оны 12 сарын 24-ний шөнө 04.00 цагийн үед хохирогчийн "Сузуки" мар­кийн 78-97 УБР улсын дугаартай машиныг уул уурхайн зориулалттай тэсрэх бодис тавьж дэлбэлжээ. Бусдын эд хөрөнгийг устгасан Мөнхбат гэгч бөөд шүүх 3.6 жил хорих ял оноожээ. Тэрбээр Сэлэнгэ аймгийн Баянгол сум буюу Баруунхараад өнгөрсөн оны арванхоёрдугаар сарын 26-ны  иргэн Ж.Баярсайханы “Сүзүки” маркийн автомашиных нь дор  дэлбэлсэн юм.

Бөө болох мөнгө өгсөнгүй хэмээн эгчийгээ хөнөөжээ

18 настай Э.Учрал  бөө болохоор шийдэж зан үйлд зарцуулах мөнгийг нагац эгчээсээ гуйжээ. Нагац эгч Цэрэн­надмид нь түүнд мөнгө өгөөгүй аж. Үүгээр нь шалтаглан Э.Учрал өнгөрсөн оны арванхоёрдугаар сарын 27-ны өдөр нагац эгчийгээ зургаан удаа хутгалан амь насыг нь хөнөөжээ. Түүнийг танхайн сэдэлтээр, онц хэрцгий аргаар хүний амь хөнөөсөн гэх үндэслэ­лээр Эрүүгийн хуулийн 91 дүгээр зүйлийн 91.2.2, 912.12 дахь хэсэгт зааснаар шалгаж байгаа аж.

 Нүүр хуудасруу буцах

start=-48 , cViewSize=50 , cPageCount=1

2 сэтгэгдэл:

null
Зочин

sn boo bol bga gehdee udriin od shig, gaduur bga boo nar yostoi hudlaa yutaigaa ch haritsaad bdii albin tiiren ch yum biluu hen medlee. Olon bootei bolloo gd uls devshij hugjuud bsiim alga. Zuv zugeer muruuruu yavj bhad mini Harin hen haraal hiichihvii gsn aidas huidestei amidarjiin.

Хөх тэнгэр

Жинхэнэ бөе нар хөгжмийн сайн сонголтой эсвэл яруу найргийн билигтэй, бас дээр нь сайн муу, сайхан муухай гэгчийг ялгаж чаддаг өөрийн хэмжүүртэй, гарын дүйтэй, хүний зовлон жаргалыг ялгаж салгах мэдрэмжтэй гэсэн нийтлэг онцлог зан чанартай хүмүүс байдаг

Сэтгэгдэл үлдээх



(нийтэд харагдахгүй)

(оруулах албагүй)
(HTML синтакс зөвшөөрөгдөөгүй)


(Зурган дээрх тоог оруулна уу)